Dr. SOEURN Visal
នាព្រឹកថ្ងៃទី០១ ខែកញ្ញា ឆ្នាំ២០១៦ សាកលវិទ្យាល័យពុទ្ធិសាស្រ្តបានចូលរួមរៀបចំពិធីចុះអនុស្សរណៈនៃការយោគយល់គ្នា រវាងសហភាពសហព័ន្ធយុវជនកម្ពុជា និងក្រុមហ៊ុន CP & A Trading International អំពីការផ្តល់អាហារូបករណ៍កម្រិតឧត្តមសិក្សាចំនួន ៤០កន្លែង រយៈពេល ៤ឆ្នាំ ដល់សហភាពសហព័ន្ធយុវជនកម្ពុជា។
ក្នុងពិធីនេះ ក៏មានការអញ្ជើញចូលរួមជាគណៈអធីបតីពីសំណាក់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា លោក គិត ច័ន្ទគ្រឹស្នា សាកលវិទ្យាធិការ នៃសាកលវិទ្យាល័យពុទ្ធិសាស្ត្រ និងលោក ជៀម ហេង អគ្គនាយក ក្រុមហ៊ុន CP & A Trading International ។
គួរបញ្ជាក់ផងដែរថា សាកលវិទ្យាល័យពុទ្ធិសាស្ត្រតែងតែទទួលបានការយកចិត្តទុកដាក់ និងលើកទឹកចិត្តពីសហភាពសហព័ន្ធយុវជនកម្ពុជា តាមរយៈការផ្តល់និស្សិតអាហារូបករណ៍របស់សហភាពសហព័ន្ធយុវជនកម្ពុជា ចូលមកសិក្សានៅសាកលវិទ្យាល័យពុទ្ធិសាស្ត្រចាប់តាំងពីឆ្នាំសិក្សា២០១២ – ២០១៣មក។
កម្រងរូបភាព
